Թուրքիայում Հայկական հարցի մասին գրող ուսանողներին ու ասպիրատներին հաշվառելու մասին հայկական «Ակոս»-ի հրապարակումը մեծ արձագանք է գտել։ Թեմայի շուրջ մեկնաբանություն է տվել Թուրքական պատմագիտական ընկերության նախագահ Մեթին Հուլագուն։

Հալեպում դեկտեմբերի 25-ին, կեսօրից հետո հրետանային գնդակոծման է ենթարկվել հայաբնակ Սուլեյմանիե եւ հարեւան թաղամասերը: Այդ մասին հայտնում է Հալեպում Հայ առաքելական եկեղեցու Բերիո թեմի մամուլի ծառայությունը:

Փետրվարի 23-ին կեսօրից անց Պրահայի Սուրբ Յիլիի եկեղեցում, Հունգարիայի, Չեխիայի եւ Սլովակիայի հոգեւոր հովիվ Հայր Բարսեղ վարդապետ Փիլավչյանը հոգեհանգստյան կարգ մատուցեց 10 տարի առաջ Բուդապեշտում նենգ ադրբեջանցու ձեռքով քնած տեղը սպանված հայ սպա Գուրգեն Մարգարյանի հիշատակին։ «Մի ազգ, որի մեջ նենգություն է դրված, մինչեւ չձերբազատվի դրանից, ոչ մի լավ բան չի լինի»,- ասաց հայր Բարսեղը։ Ի դեպ, 10 տարի առաջ, երբ սպանվեց Գուրգեն Մարգարյանը, Բուդապեշտի օդակայանում նրա հոգեհանգստյան կարգը նույնպես հայր Բարսեղը ...

Սիրիայի Հալեպ քաղաքի Նոր գյուղ թաղամասում փետրվարի 3-ի կեսօրից հետո տեղի ունեցած հրթիռակոծման հետեւանքով մասնակի  տուժել են  «Սահակյան» գիմնազիայի եւ «Կիլիկիա» շենքերը, որոնք պատկանում են հայկական համայնքին: Այս մասին հաղորդում է Հալեպի Հայ առաքելական եկեղեցու Բերիո թիմի մամուլի ծառայությունը:

Ստամբուլի հայկական «Ակոս» շաբաթաթերթի նախկին գլխավոր խմբագիր Հրանտ Դինքի սպանության 7-րդ տարելիցին ընդառաջ Ստամբուլում, հունվարի 17,18 եւ 19-ին տեղի կունենան հիշատակի միջոցառումներ։

Գագրային Խ.Աբովյանի անվան թիվ 3 հայկական դպրոցում վերջերս տնօրենի` Գ.Տրապիզոնյան նախաձեռնությամբ ձևավորվեց աշակերտական խորհրդարանը, որի անդամներ դարձան 5-11-րդ դասարանի աշակերտները:

Դիարբեքիրի բաց բանտի կալանավորները, քարի մշակման ծրագրի շրջանակներում, այցելել են Դիարբեքիրի հայկական Սուրբ Կիրակոս եկեղեցի։

Փետրվարի 14-ին ՀՀ սփյուռքի նախարարության նախաձեռնությամբ Հակոբ Պարոնյանի անվան երաժշտական կոմեդիայի պետական թատրոնի նախասրահում Տեառնընդառաջ և Սուրբ Սարգիս զորավարին նվիրված եկեղեցական տոների առթիվ տեղի ունեցավ «Սիրիահայ մշակույթի շունչը Երևանում» խորագրով բարեգործական ցուցահանդես-տոնավաճառ, որին մասնակցում էր շուրջ 30 սիրիահայ ձեռներեց: Ցուցահանդեսին ներկայացված էին սիրիահայերի ձեռագործ աշխատանքներ, զարդեր, հրուշակեղեն և այլն:

Փետրվարի 16-ին Թբիլիսի քաղաքի հայկական համայնքում միջդեպ է տեղի ունեցել: Ոմն Գոգա(Գեորգի) Էլիբեգովը Թբիլիսիի Հայ Առաքելական եկեղեցու հավատացյալների զայրույթն է հարուցել, վիրավորել է եկեղեցուն, ՀԱԵ Վրաստանի թեմին՝ առավել սուր արտահայտվելով հայ եկեղեցու ակտիվ անդամների հասցեին, ծեծկռտուք են հրահրել:

Հալեպում կայացել է գնդակոծման հերթական հայ զոհի՝ 1960թ. ծնված Ասատուր Տիգրանյանի հուղարկավորությունը: Նա զոհվել էր   հունվարի 21-ին՝ Հալեպի Ջդեյդե թաղամասում ականանետի արկի բեկորից ստացած վնասվածքից: Այս մասին հայտնում է  Հալեպի հայ առաքելական եկեղեցու Բերիո թեմի մամուլի ծառայությունը:

Մարտի 10-ից ապրիլի 10-ը Հայաստանում անցկացվող ֆրանկոֆոնիայի օրերի շրջանակում մայրաքաղաքի Ավ. Իսահակյանի անվան կենտրոնական գրադարանում Երեւանի քաղաքապետարանի աջակցությամբ պաշտոնապես բացվել է «Ֆրանկոֆոնիայի կենտրոն» բաժինը: Բացմանը մասնակցել է նաեւ Երեւանի քաղաքապետի տեղակալ Արամ Սուքիասյանը: Երեւանի քաղաքապետարանի տեղեկատվության եւ հասարակայնության հետ կապերի վարչությունից հայտնում են, թե, Երեւանի քաղաքապետ Տարոն Մարգարյանի անունից շնորհավորելով ներկաներին,Արամ Սուքիասյանը նշել է, որ գրադարանի հարկի ...

20 տարի առաջ այս օրը Եվրոպայում անվտանգության եւ համագործակցության խորհրդակցության Արտգործնախարների Խորհրդի որոշմամբ սկիզբ դրվեց ղարաբաղյան հիմնախնդրի կարգավորման Մինսկի գործընթացին, որի արդյունքում ձեւավորվեց Մինսկի խումբը եւ նրա համանախագահությունը, որի առաքելությունն է բանակցությունների միջոցով՝ միջազգային իրավունքի հիմնարար սկզբունքների հիման վրա, հասնել հիմնախնդրի խաղաղ կարգավորմանը:

Մարսելում հայկական թեմական տաճարում մարտի 2-ին ադրբեջանական Սումգայիթ քաղաքում 1988թ.-ին հակահայկական ջարդերի զոհերի հիշատակին պատարագ կմատուցվի եւ ծաղկեպսակների դրման արարողություն կանցկացվի: Այդ մասին գրում է «Nouvelles d'Arménie»-ն:

Երեւանում առաջին անգամ կիմոնոների ցուցադրություն է կայացել: Այն տեղի է ունեցել նախօրեի երեկոյան` Հայաստանում Ճապոնիայի դեսպանատան, հայ-ճապոնական գիտակրթական  «Հիկարի» կենտրոնի եւ ազգային էսթետիկական կենտրոնի կազմակերպած ճապոնական մշակույթի օրերի շրջանակում:

Գերմանիայում գործունեություն ծավալող «Ընդդեմ ցեղասպանության» միությունը քննադատության է ենթարկել  KCK-ի (Քուրդիստանի հասարակությունների խորհուրդ, PKK-ի անվանափոխված տարբերակ-խմբ) կին համանախագահ Բեսե Հոզաթին։ եսե Հոզաթը հայտարարել էր, թե հայերը եւ հույները Թուրքիայում զուգահեռ պետություն ունեն եւ խանգարում են Թուրքիայի ժողովրդարացմանը: